قصيدة عن عقوق الوالدين

size=24]هذي قصيده روووووووعة لأم تشكي حالها بعد ان وداها ولدها (الله يهديه) للمصحه
(دار العجزه) ‏او كما يقااال ( دار النسيان)

وين انت ‏يا حمدان امـك تناديـك .. ‏وراك مـا تسمـع شكايـا وندايـا

‏يا مسندي قلبي على ‏الدوم يطريـك .. ‏ما غبت عن عيني وطيفك سمايـا

‏هذي ثلاث سنين والعيـن تبكيـك .. ‏ما شفت زولك زايـر يـا ضنايـا

‏تذكر حياتي يـوم اشيلـك واداريك . .. ‏والاعبـك ‏دايـم وتمشـي ورايـا

‏ترقد على صوتي وحضني يدفيـك .. ‏ما غيرك احدٍ ساكن فـي ‏حشايـا

‏واليا مرضت اسهر بقربك واداريك .. ‏ما ذوق طعم النوم صبـح ومسايـا

‏ياما عطيتك من حنانـي وبعطيـك .. ‏تكبـر وتكبـر بالأمـل يـا منايـا

‏لكن ‏خساره بعتني اليـوم وشفيـك .. ‏واخلصت للزوجه وانا لي شقايـا

‏انا ادري انها ‏قاسيـه مـا تخليـك .. ‏قالت عجـوزك مـا ابيهـا معايـا

‏خليتني وسط المصحه وانا ‏ارجيك .. ‏هذا جزا المعروف وهـذا جزايـا

‏يـا ليتنـي خدامـة بيـن اياديـك .. ‏من ‏شان اشوفك كل يوم برضايـا

‏مشكور يا ولدي وتشكر مساعيـك .. ‏وادعـي لـك الله ‏دايـم بالهدايـا

‏حمدان يا حمـدان امـك توصيـك .. اخاف من تلحق تشـوف الوصايـا

‏اوصيت دكتور المصحه بيعطيـك .. ‏رسالتـي واحروفهـا مـن بكايـا

‏وان مت لا ‏تبخل علـي بدعاويـك .. ‏واطلب لي الغفران وهـذا رجايـا

‏وامطر تراب القبر بدموع ‏عينيـك .. ‏ما عـاد ينفعـك النـدم والنعايـا.

يا اخواني اوصيكم واوصي نفسي ببر الوالدين ترى الدنيا ماتسوى ممهما ركضنا وراااها ترنا عايشين ومتنعمين من فضل الله ثم دعاااء والدينا لنا تراهم عمود البيت لا راحوا قلت بركته وتشتت القلوب ... ولا تقول زوجتى بتذكرني ولا عيااالي عندهم بيناظرونهم انت بر بهم وناظرهم ولا تقول بكره بروح لهم ولا لين افضي ترى معناتها انك مارح تروح لهم ولا تقول امس عندهم تراهم ما يملون منك ولا من شوفتك وسؤالك والساعه اللي تبطي فيهاعندك ساعه و عندهم سنين .. والحرمه اللي ما تعينك على طاعتك ربك وعلى طاعة والديك و وصل اخوانك تراها مهيب حرمه يعني (غير عتبة بااابك) ولا تصير اناني وتحرم زوجتك من بر والديها وصل خوانها ... انا اسفه على الاطاله بس حبيت اذكر نفسي واذكركم باهم شي بحيتنا هو بر والدينا من بعد طاااعة الله سبحانه [/size]