خذني لحضنك

خذني


خذني لحضنك دون هالناس خذني
طمّن هوا قلبـي وريّـح خفوقـي

جتني حروفك يوم هلّـت سقتنـي
غيثٍ روى اقصى معاليق شوقـي

انت الوحيد اللي رماحـه رمتنـي
انت الوحيد اللي تملّـك طروقـي

كلمة احبك يـوم جتنـي سبتنـي
ساقت هبوبي يم الاحباب سوقـي

اهواك انا واللي خلقـك وخلقنـي
حبك سرى فيني تولّـج عروقـي

ياما على شانك عيونـي بكتنـي
ياكيف ظرف الوقت عوقك وعوقي

دوني ودونك صعب الاقدار تدنـي
حالت بنا عن حلم ماله شروقـي

لكـن تأكـد كـل ماانهـد ابنـي
عندي امل في حضن عنوان ذوقي

خذني لحضنك دون هالناس خذني
طمّن هوا قلبـي وريّـح خفوقـي

تم