غريب الدار

الضيقه اللي في خفوقي دفينه

مرت عليها في قبر همي سنين

والعزه اللي فوق راسي حصينه

من مولدي من ماضي الوقت للحين

مفرد شراعي فوق متن السفينه

تبحر بي الدنيا ولا ادري على وين

غريب في داري ولا لي مدينه

صغيروكني فوق عمر الثمانين

اصاحب الشايب وكني سنينه

واجاري الجاهل واجامل غشيمين

واقرا من الرجال كذبه بعينه

واسرها واقول تكذب على مين

اسكت ادب والصمت وقت الغبينه

اقسى من الطعنه ولدغ الثعابين

لكن تمسكني حبال السكينه

واصبر واصابر والصبر فيه ثنتين

قيد على هم النفوس الحزينه

وسيف على رقاب العداة الشميتين

بالطيب تربطني علاقه متينه

وادري رفاق الطيب صارو قليلين

وين الرفيق اللي تشيلك يمينه

اليا كثرت حولك رحاة السكاكين

ماكل من صافحك كفه حنينه

ولاكل من جافاك ينوي لك البين

احذر من الصاحب وعشرة سنينه

اكثر من اعداك اللداد البعيدين

من صاحب ينصب بدربك كمينه

خبيث ساس ووسوستله شياطين

رده وحكم الوقت بينك وبينه

موتك ولا هرجك بليا براهين

للسمعه البيضا كنوز ثمينه

واللي كسبها بس ناس وفيين

تذهلني افعال الرجال الفطينه

وتقهرني افعال الرخوم الملاعين

ويرفعني شموخي براحة يدينه

وتخفضني الذله وانا ساسي الطين

هذي هي الدنيا تفاخر وزينه

ولعب ولهو والناس بالمال لاهين

ويل النفوس الطاغيات اللعينه

ليا حطت الاعمال فوق الموازين

الله يكفينا شر الملاعين تقبل مرورى