بكتب قصيده فيك من كل وجدان
والشِّعر يحلى بالحروف النقيّه
ويزين والله دايمٍ فيك يزدان
يا شيخة الزينات لك قابليّه
فيك الحلا والزين متعدد ألوان
نحرن .. وقد .. وخصر ما فيه زيّه
والخد كنه برق .. وزهور بستان
متلونه فيه الورود الطريّه
ويا حلو ذوقك فيه كل التفنان
وعطرك يفوح اعطور حلوه زكيّه
أنا أشهد إنّك صرت للزين عنوان
وتضربّك الامثال صبح وعشيّه
قلبي يحبَّك فيه ود .. وتحنّان
يا كبر حبِّك حيث نفسك رضيّه
يا ريف قلبي .. يا غناتي .. والاعيان
أهديتني وأخذت منك الهديّه
أفرحتني يا خل لا شك فرحان
معك السعاده والحياة الهنيّه
ودنياً بدونك مالها عندي أثمان
يا سعد منهو كاسبك يا هنيّه
ومنهو فقد غاليه يا ناس خسران
قمت أتذكر طيفكم والهديّه
بعدك تجرّعت المآسي .. والاحزان
الله يعين اللي حياته شقيّه
ويجاهد العبرات في كل الاحيان
والدمع ينزف يوم تطري عليّه
وأصبحت أعبّر عن همومي والاشجان
وأنسج قوافي .. والمعاني قويّه
وهديتك ما شافها فلان .. وفلان
خوفي عليها لا تروح الهديّه
الإثنين 13 يونيو 2011 - 0:54 من طرف 
