ابكي على ما جرا لي ياهلي
قلبي انا بالمحبة مبتلي
ولا حصل من يحل المشكلي
مع ناعم العود انا لي مسألة
ياناس روحي تراها في خطر
كله من اللي على بالي خطر
والحب كله على العاشق خطر
كم واحد ماحصل من ممشى له
قولوا لمن صابني ياقف علي
وان كنت مخطي فلا يزعل علي
وان كان جاني حبيبي ماعلي
خلوا حبيبي يجيني واسأله
خلوه ينظر بحالي مايرى
ولا تقولون ظنك وش ترى
لا شاف حالي وشاف اللي جرى
يفعل علي ما بوده يفعله
الصبر عندي على شانه قضى
ولا تأسف على ماقد مضى
يابخت من صار يوريه الرضا
والزين والفن كله من هله
انا معه كل وقتي في ولع
وهو معي كل وقته في دلع
ياناس هذا قتلني بالدلع
خفيف دمه والله يقبله
اذكر ليالي المحبة والوفا
واذكر ليالي المودة والصفا
كفى كفى ياحبيبي ماكفى
مرسول عنك تسمح ترسله
واللي من الناس عمره ماهوى
ومن المحبة قلبه مارتوى
قله حياتك على موتك سوى
مسكين ياللي المحبة تجهله
الإثنين 13 يونيو 2011 - 0:54 من طرف 
