منتدى الدرع الأمني للحراسات الأمنية
أهلا ومرحباً بك عزيزي الزائر نتمنى لك قضاء أجمل الأوقات في منتدى الدرع الأمني للحراسات الأمنية المدنية الخاصة
بإمكانك التسجيل والتمتع بأجمل مزايا هذا المنتدى
مدير عام المنتديات الأمنية ـ أحمدالنجعي

منتدى الدرع الأمني للحراسات الأمنية

منتدى الدرع الأمني للحراسات الأمنية
 
سماع القرأن الكريم الرئيسيةالبوابةاليوميةس .و .جقائمة الاعضاءالمجموعاتبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» كيف تقود فريقك إلى النجاح
الإثنين 13 يونيو 2011 - 0:54 من طرف عاشقة الغروب

» لا ردك الله لا ولا اطلب تردين
الجمعة 29 أبريل 2011 - 6:53 من طرف أرتال

» مشروع الدرع الامني الجديد
الجمعة 29 أبريل 2011 - 6:49 من طرف أرتال

» من فوائد ابن القيم رحمه الله (1)
الإثنين 13 ديسمبر 2010 - 18:12 من طرف ابو محمد

» من فوائد الصدق
الإثنين 13 ديسمبر 2010 - 18:07 من طرف ابو محمد

» من فوائد الاستغفار
الإثنين 13 ديسمبر 2010 - 17:58 من طرف ابو محمد

» فؤائد الصلاة
الإثنين 13 ديسمبر 2010 - 17:49 من طرف ابو محمد

» قصة معركة ذي قار
الإثنين 13 ديسمبر 2010 - 17:42 من طرف ابو محمد

» فوائد الزنجبيل
الإثنين 13 ديسمبر 2010 - 17:25 من طرف ابو محمد

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
التبادل الاعلاني
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث
ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 بحـث

شاطر | 
 

 مع التحية لعشاق الكلمة الجميلة هذه ألفية ابن عمار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الفارس
مراقب عام
مراقب عام


عدد المساهمات : 335
نقاط : 786
تاريخ التسجيل : 03/05/2010
العمر : 44
الموقع : الرياض

مُساهمةموضوع: مع التحية لعشاق الكلمة الجميلة هذه ألفية ابن عمار   الإثنين 17 مايو 2010 - 1:22

الف اولف من جوابٍِ نظيفــــــــي

ودموع عيني فوق خدي ذريفــي

من لام في حب الحبيب وليفـــي

دقـاق رمش العين سيد الخونـدات

خوندات الذي ما بعد عاشرنـه

قله تراهن بالهوى يذبحنــــــه

قلبي وقلبك من عروقه خذنـــــه

عزي لمن مثلي تعرض للافـــات

البا بليت بحب خلي علــى ماش

ولاحصل لي منه ما يبرد الجــــاش

غديت انا واياه طاســه ومنقاش

بالوصف كنه يالمعزي سلامــات

سلامات الذي يذكرونـــــه

يبغي المعزة منه وهي المهونــــه

يقول طيب مير غارت عيونـــه

سبب ولدكم واحد صابه ومــــات

التاء تبعت الزين والزين مقفــــي

امشي وحتفي شايله فوق كتفــي

لاشفت مجدول وكتـــف ورد في

ماقوى التفت لو طوحولي بالاصــوات

اصوات قالوا ياهبيل وسايــــح

طرد المقفي يالـشقاوي فضايــــح

قلت ماريد اشواركم والنصايــــح

مثل المطر فوق الطياس المكفــات

الثاء ثمانه حب رمان طايـــف

أو قحويان ٍ في رياض ٍ عطايــــــــف

متنقلٍ بالزين سيد العفايـــــــــف

عمهوجة ٍ فيها من الحور شـــارات

شارات فيها من ظبي الحمــادي

هي لذة الدنيا وغاية مــــــرادي

وان كان راح صويحبي من بـلادي

عليه جاوبت الحمامة بالاصــوات

الجيم جاني من عشيري سلامــي

ولا لقينا من يرد الكــــــــلامي

عليه زرع القلب هايف وظامـــي

مالي جدا كود البكاء والتنهـــات

ابكي على ما فاتني من زمانــي

يــوم الحـبـيّـب زارنــي فـي مكانـي

وراي ماخذت القضاء يوم جانــي

توي دريت البيض فيهن غــــــرٌات

الحا حليه في الوطن ما لقيتـــه

عذلت قلبي عنه ولا قويتـــــــه

لوه يذكــــر يم مـكه نصيتــه

انصـا ه لو بيني وبينه مسافـــات

مسافات في وسط البحور الظــلامي

في وسط بتيلٍ حداه الـــولامي

والى حصل لي بلوغ المــرامي

اصبر ولو دشيت بحر الظلمــات

الخاء خليلي صار مني قـــريبي

جعلي نصيبٍ له وهو من نصيبـي

ودي أواجه نور عيني حبيبــــــي

مار الوحيد لهيد ما فيه نوهــات

مافيه نوهات ٍ ولو من غثا البال

دب الليال مسِيم عمال بطــال

والى استراح البال عن ذيك الأحوال

دنياك هذي ياريش العين نشبـات

الدال دامي ما قضبت الذوايــب

لـو قـيــل طيب قـلت ما نيب طايــب

دنو استاد القبر ودنو النصايـــب

ودنو دواة الحبر نكتب سجـلات

سجلات اريد اكتب لي وصيــه

عمري غدا يا وجد اهيلي عليــه

قولو لصافي اللون ياقف عليـــــه

ياكود يرجع ويتحسف بما فـــــات

الذال ذالي عنه مدة ليــــالي

لـو قـيـل طـيب فأنا انا أبخـص بحالــي

والله مايطري علي شف بالـــى

الا انت يا راعي الثمان الرهيفـات

رهيفات فـيـهـا للمشقى طرابـــه

مجمول مدلول ٍ ولا به طنابــــه

هنـــي من يـدخـــل معه في ثيابــــه

وأسـج انا وياه في العمر سجــات

الراء ردوف صويحبي ثقلنــــه

مثومنٍ ماحلى بياضه ودنـــه

ونهوده الثوب الحمـر شلعنــــه

والساق فيها مثل عرق الارطات

ارطات غرمولٍ ذرته الـــذواري

والله يالولاي من الناس اداري

لأضوي عليها مثل ذيب الغـــداري

جايع وبـا لـغـابـه عياله مجيعـــات

الزاء زماني شفت منه الهوايــل

لاعاد حظي فـي الغنادير مــــايل

وراي ماا ترك قصير ٍ وطايل

مار العقل يادبب هيهات هيهـــات

هيهـات لو ان العـقـل فيه لبـه

ما كان يتبع واحد ما يحبــه

ليصار هرجه لك خريطٍ بدبـــه

وش لك بشوفه يالعيون المشقـات

السين ســقـنـامن الدراهم وعيـــا

واللي نبي من صاحبي مــا تهيا

يقول والله لو تحب الثريــــا

خذني على السنة تشوف الطرابـــــــات

طرابات ينسنك جميع الــــدروبي

ياكود في باقي حياتك تتــوبي

اجعل مقرك بين جلدي وثوبـــي

حتى تشوف البيض فيهن جنا ت

الشين شاب الرأس ياعذب الانيــاب

والـلي برجوى توبته ذاك قدتاب

مارن ان بدالي عازة فافتـــح الباب

الله غفورٍ عـالـم ٍ بالخـفـيـات

خفيات انا فيك يازين مفتـون

من حبك اسهر والخلايق ينامــون

الهيتني عن مذهب اللي يصلــــون

ما عاد اميز لو قـرآن التحيات

الصاد صيدي يوم الاوي غريمـي

شفق ٍعلي الحبه وشد البريـمي

مهوب صيدي قلة في الحريــمي

لا شك كل ٍ له مع الناس مشهــات

مشهات فيك ياظبي الفريــدي

حب الملا ينقص وحبك يزيـــدي

لا شفت زولك ذاك هو يــوم عيــدي

تصبح بساتين الضماير مريفـات

الضاد ضد ٍ حال بيني وبينــه

يقول هذا صانعٍ ٍ لاتبينــــه

عسى الولي يبلاه في صبي عينــه

عساه يسهر من الليل ساعـات

ساعات فيها ما يشوف الجــدارا

ولايعرف الليل هو والنهــــــــارا

وعساه يوم البعث يحشر حمــارا

محمل من حمل الاسراف سيئــات

الطاء طويت اليأس والسد باحـي

وما عاد لي شف ٍ بظبي البياحـي

لعلها هفت خفـــــوق الجناحي

اللي سبوقه فوق رجله مطــوات

إمطوات و طار في يوم هبــــــــه

راعيه لو رز اللواء ما ينبـــــــــــه

شاف الحباري رابضات بخبه

يبي العشاء من بين فخـذ ٍ وفندات

الظاء ظمانه لا تعـاشــر لك اثنيــن

لازم تخلي عشرتــك يامسيكيـن

واللي ابتغى بالمرابط حصانين

يجي لهن هز ٍولزٍ وصقــلات

صقلات يصقل كل ماجا طعامـه

يجري لهن مــع المعيشه بحامـه

افهم كلامي يالهبيل الفدامــه

إلي جمعت الحصن فالحصن خطـرات

العين عن من ينقل الهرج حــذراك

تراك كنك شايلٍ داك بــــــــــــرداك

إلى سمع له هرجةٍ مــن حكايـــــاك

يحطها مثل القصــور المبنــــات

يبني عليها كبر راس الغرابـــــه

ويكدر المشروب عقب الطرابــــه

وهو يشابه بومة ٍ في خرابــــه

لاينّقل هرجــــه ولا كفو هرجــات

الغين غاب العقل باول شبابـــي

وادميت من تلعات الارقاب نابـــي

واليوم شاب الرأس والكيف طابي

ماني على الفايت كثير الحسوفات

حسوفات لاتفرح على اللي يجي فيك

ايضا ولاتندم على اللي مضى منك

مدراك لو هو خيرة صدتـه عنك

ناهيه والي العرش رب السموات

الفاء فؤادك لاتوليه حساد

واحذر يجي لك مع اهل الفي مقعـــــاد

اضحك وكنك عن جميع العـــرب صاد

ثم اعتبر بالذيب يضـوي بغرات

يضوي بغرات وهم ما دروا بـــه

واللي يوقف في المحاري حكوا بـــه

كم واحد وقف ولاقضى نوبــه

يكسر الى شاف اللحم كنه حــدات

القاف قل للي يريــــد النواميس

واللي شقى بالهوى يرخـي الكيس

الا بذلت النفس والكيس وابليـس

يطيح ناس ٍ يدعون الديانــات

طاحوا وصاروا للخلايق علاجــه

يلقى بهم راعي الهوى قضي حاجـه

وإلانثرت الحب جتك الدجاجــه

حارت وباضت لو تبي عشر بيضــات

الكاف كن السد في كل الاحـوال

واحذر لسانك لايقولون ذا قـال

حتى تجي عند العرب خوش رجـال

لا صرت بالمجلس نواظرك صقـلات

صقلات لا تجلس مـع اللي يشاكيك

هو علتك ودواك هاللي يشانيك

ياذيب كان الله على الرشد هاديـك

اكتم كلامك بالضلوع المحنـــات

اللام ليت العمر ينكس لحلـــــه

قيمة ثلاثين ألسنه هي محلـــــه

الرجل قبل الشيب يا حلو دلــــه

وان لاح فيه الشيب ما فيـــه لذات

مافيه لذات ٍولا يقبلونه

لو حط له رده وكحل عيونــــــــــــــه

اهل الهوى عقب الغلا ينكرونــه

لوهو مصافيهم على فايتٍ فــات

الميم ما غيري من الناس جـــرب

وماغيري أحد في حياته تطــرب

لاويت صافي اللون فوق المضـرب

كن العدو عني عيونـه مـــداوات

مداوات جعله ما يجي لك عبــاره

واللي بصد ٍعنك وش لك بكــاره

الحذر ما ياطا بوسط الخبــاره

لازم يجي فيها عقارب وحيــــــات

النون نام الحظ ولا فيه حيلـــه

عيا يباريني وانا ازريت اشيلــــه

من يوم خلاني عريض الجديلـــه

دليت اكسر في حشا الصدر عبــرات

عبرات اكسرها بداخل ا ضلوعـي

عليك يا خلي حسين الطبـــــــــوعِ

عليـك ما جفت محاجر دموعــي

دايم عيوني في مهاواك سهـرات

الهاء هواي الخافية يالفطينــي

والعاشرة ياللي تعرف الرطينــي

مخفية ما ودي لضدي يبينـــــي

والتاسعة تحصاه باعداد الاميــات

اميات مات القلب من كثر همـي

واشكي عليك الحال يا ولد عمـي

انته عضيدي وانت لحمي ودمـي

ترضاه يجفاني ولانيب مجفــــات

الواو ويل اهل الهوى من هواهـم

ان كان هل اللي سم حالي وطاهـم

كم ليلة ٍيصبح جفيفٍ عشاهـم

الالقيمات ٍ مع الحلق مـــــــــرات

مرات لين اقضي من الترف شفـي

واوسده عضدي وزندي وكفــي

واكشف عن اللي غابي ٍ وامتخفـي

حتى يجي للأكل والشرب لـــذات

اليا يحبه صلف ومراقده كلــف

لو هو يتمم مطلبي كان اقول الــف

حيثه يقرر لي على الحب بالعــرف

والا فغيره لو يبي عشر بيـــزات

بيزات ما افلها لغيره بلاشي

من جنس رأس الظبي ما ابي عراشي

الا لمن ماليه على ماه مــاشي

هذاك من يمه فلوسي رخيـّـات
الرجوع الى أعلى الصفحة اذهب الى الأسفل
http://al-daree.hooxs.com
 
مع التحية لعشاق الكلمة الجميلة هذه ألفية ابن عمار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الدرع الأمني للحراسات الأمنية :: المنتديات العامة :: المنتدى الأدبي والشعر-
انتقل الى: